لمسه بسيطه لإطلاله لامعه | لومينيتر نكس

السلام عليكم
كيفكم بنات ايش عاملين؟

هذي الاضاءة من الاضاءات اللي تعطي فنش طبيعي
و كأن الوجه رطب و فيه لمعه صحيه ونضاره حبيتها

مررره صايره استخدمها بشكل يومي

ابداً لمعتها مو اوفر لكن فيها قطع قلتر خفيف فيه بنات يستخدمونها على الوجه كامل قبل الفونديشن نفس لومينيتر ماك بس لسى ما جربت لومينيتر نكس على كامل الوجه
قوامها كريمي لكن لما تدمجينها تصير ناشفه و تلصق بالبشره كانه قطعه منها و ماتحسين فيها  ,

هذي الدرجه لونها على لؤلؤي تناسب البنات البيض و اشوف انها تناسب اغلب انواع البشرات عكس الدرجات المايله على البرونز تنفع للبنات السمر او اللي مسوين تان

طريقتي في الاستخدام :

اوزعها و ادمجها بالاصبع جربتها بالبيوتي بلندر لكن خففت لي شوي من لونها افضل بالاصبع اكثر عاد كل وحده و طريقة استخدامها اللي تشوفها مناسبه

اماكن وضع اللومينيتر :

 احطها على عضمه الخد و الدقن وارنبه الانف وفوق الحواجب بثنين سانتي و فوق الشفايف و كمان تنحط على كامل الوجه قبل الفونديشن لكن انا ما جربت خفت تبين المسام و الحبوب الصغيره 

وهذا فيديو من يوتيوبر اجنبيه 
https://www.youtube.com/watch?v=TUOTx49FQcc 

لما دمجت البرودكت بالفرشه ما اعطاها ذيك النتيجه المطلوبه بعكس لما دمجته باصبعها كانت هي النتيجه الافضل 

مين مجربتها ؟ و ايش افضل اضاءه حابينها هذي الايام؟

وبكذا انهي كلامي بـ لا إله إلا أنت سبحانك إني كنت من الظالمين . 

مرطب سيتافيل للبشره الحساسه افضل مرطب لعام 2016

-

_

السلام عليكم ورحمة الله وبركاته

كيفكم حبيباتي ؟؟ ان شاء الله كويسين

اليوم راح احكيلكم عن عشقي الجديد

مرطب سيتافيل استخدمه في ترطيب يدي و وجهي خفيف على البشره مو ثقيل 

و ماتحسين انك حاطه طبقه بالعكس يرططططب لكن بدون الاحساس المزعج و المقرف هذا 

و احبه قبل الميكب و يرطب اليد كووويس نتفه منه ترطب يدي

ثاني شيء هذا المرطب احبه لانه خالي من العطور يعني مع الوقت 

ماراح يسمر يدك او وجهك وماراح يحسسها و دليل انه طبي و منتج كويس

ماله ريحه ابدا و هذا اللي احبه فيه و خلاني اعشقققهه

و هذا المرطب اللي اخلطه مع المسك و ارطب فيه جسمي

بما اني  حبيت المنتج هذا راح اشتري كريم الترطيب للجسم من سيتافيل

كثثير بلوقرز تكلموا عنه وقالوا انه بططططل  و متحمسه له مرره

سعره بـ 82ريال

موجود بكل الصيدليات اخذته من النهدي 

و انتوا ايش  افضل مرطب عندكم؟

وبكذا انهي كلامي بــ لا إله إلا أنت سبحانك اني كنت من الظالمين .

عطر بوهانتي من مجموعة الطبيعه من ذا بودي شوب

-

السلام عليكم حبيباتي

كيفكم ان شاء الله كويسين

حتكلم عن عطر

Bowhanti من The Body Shop

(العطر من مجموعة الطبيعة)

اللي حبيته ان روائح المجموعه مختلفه تماما عن روائح جميع عطوراتهم و كان عطري المفضل من عندهم ازهار ساكورا اليابانيه.


العطر جاني هدية 

ريحته سبايسي ريحة لاذعه وشي زي كذا ما اعرف كيف اوصف الريحة لكن حسيته ينفع ينخلط مع عطور ثانيه و لانه قوي اشوف انه ينفع للمساء اكثر من الصباح ،

و اللي حلو بالمجموعه ان عطورهم ثااابته و تناسب جميع الاذواق

فيه عطر او عطرين لرجال

 بإختصار اللي لسى ما جربت عطورهم بس اقول لك روحي و شميها ماراح تندمي عجيييبييي

ايش افضل عطر مفضل عندك

من The Body Shop ?

افضل طريقه لتعطير الملابس و الجسم + مشترياتي من اجمل | سعودي بلوجر

-

السلام عليكم حبيباتي 

كيفكم ان شاء الله كويسين

قبل فترة اشتريت مسك من اجمل

واحد مسك مكه و الثاني مسك اريج واخذت لاخواتي هديه منهم , وقعت بغرام مسك مككككه جميييل و ما اعرف كيف اوصفلكم الريحه ريحة ننظاافه و فخامه و هادي اما بالنسبه لمسك اريج ما جربته كثير بس شميته عندهم بالمحل كانه نفس الريحه بس تختلف شويتين .. وحده قالتلي مسك العروس خياااال ان شاء الله الروحه الجايه لهم باخذه ..

الحين بغض النظر عن أي نوع مسك او دهن عود او غيره تبغين تتعطرين فيه طريقتي في تعطير الجسم و الملابس تنفع على كل انواع المسك و الدهن العود مررره جميله و تثبت الريحه و تنتشر  

" واتذكري ان ذوقي ممكن مايكون نفس ذوقك و ان الروايح موضوع حساس يعني لازم تاخذين منها عينات وتشمينها على رواق قبل لا تشترينها "

طريقتي في تعطير الملابس :

جيبي بخاخ فيه مويا و فيه مسكك او عودك و حطي كم قطره فيه و بخي بملابسك و دولابك راح تمسك الريحه في و تخلي ريحة دولابك جمممميله و مميزه .

طريقتي في تعطير الجسم :

اول شي طريقتي هذي افضل انكم تستخدمونها بعد الشاور مرره ممتازه و تصير ريحتك لما تمشين تنتشر بكل مكان

جيبي مرطب بدون ريحه زي مرطب سيتافيل مثلاً و حطي كم قطره من المسك او العود و ادهنيه على كامل جسمك

مسك مكه انصحكم فيه وبقوه

اساساً انواع المسك عندهم في اجمل رخيصه و ممتازه جددداً .

وبكذا انهي كلامي بـ لا إله إلا أنت سبحانك أني كنت من الظالمين .