افضل طريقه لتعطير الملابس و الجسم + مشترياتي من اجمل | سعودي بلوجر

-

السلام عليكم حبيباتي 

كيفكم ان شاء الله كويسين

قبل فترة اشتريت مسك من اجمل

واحد مسك مكه و الثاني مسك اريج واخذت لاخواتي هديه منهم , وقعت بغرام مسك مككككه جميييل و ما اعرف كيف اوصفلكم الريحه ريحة ننظاافه و فخامه و هادي اما بالنسبه لمسك اريج ما جربته كثير بس شميته عندهم بالمحل كانه نفس الريحه بس تختلف شويتين .. وحده قالتلي مسك العروس خياااال ان شاء الله الروحه الجايه لهم باخذه ..

الحين بغض النظر عن أي نوع مسك او دهن عود او غيره تبغين تتعطرين فيه طريقتي في تعطير الجسم و الملابس تنفع على كل انواع المسك و الدهن العود مررره جميله و تثبت الريحه و تنتشر  

" واتذكري ان ذوقي ممكن مايكون نفس ذوقك و ان الروايح موضوع حساس يعني لازم تاخذين منها عينات وتشمينها على رواق قبل لا تشترينها "

طريقتي في تعطير الملابس :

جيبي بخاخ فيه مويا و فيه مسكك او عودك و حطي كم قطره فيه و بخي بملابسك و دولابك راح تمسك الريحه في و تخلي ريحة دولابك جمممميله و مميزه .

طريقتي في تعطير الجسم :

اول شي طريقتي هذي افضل انكم تستخدمونها بعد الشاور مرره ممتازه و تصير ريحتك لما تمشين تنتشر بكل مكان

جيبي مرطب بدون ريحه زي مرطب سيتافيل مثلاً و حطي كم قطره من المسك او العود و ادهنيه على كامل جسمك

مسك مكه انصحكم فيه وبقوه

اساساً انواع المسك عندهم في اجمل رخيصه و ممتازه جددداً .

وبكذا انهي كلامي بـ لا إله إلا أنت سبحانك أني كنت من الظالمين .