السلام
عليكم ورحمة الله وبركاته
اتكلمت امس بالسناب و
سويت اضاءه لتصوير المعروفه بأسم ( سوفت بوكس )
ماكنت متوقعه انها
راح تزبط بس من باب التسليه صورت سناب ,
النتيجه ابهرتني
وطلعت مره حلوه ماشاء الله و اعجبتكم وكثير سألوني عنها بالدايركت ..
النتيجه قبل و بعد
ما احتاج اقول ايات قبل وبعد اتوقع واضحه
الصوره النهائيه بدون فلاتر فقط عدلتها باعدادات
الكاميرا وحطت تحت البرودكت كرتون مغلف بقصدير و بجنبه نفس الشي , ماعليكم من بعد واضح ان العلبه مفغوصه ما انتبهت اني فغصت الصوره لما جيت احطها بجنب الصوره الثانيه ههههه اهم شي المضمون ..
المهم راح نسوي هذي
الاضاءه بمستلزمات موجوده بكل بيت.
الادوات :
صندوق كرتوني يكون بالحجم اللي يناسبكم
شطرطون ( شريط
لاصق )
ورق شاف كبير بحجم الصندوق شويتين
لمبه خلوا
الكهربائي يركبلها سلك تقدرون تشبكونه بالكهربه
انا كنت ابغاها بيضاء لكن جاتني برتقالي نفس لمبات
الابجورات
و اتوقع هيه اللي اعطتني الافكت الجميل بالنهايه
ماراح تكلفكم الا 13 ريال فقط او اقل
صوره اللمبه ( الصوره
من النت )
انا ماصورتها الا بسناب فقط اللي متابعيني بالسناب راح يعرفون ايش اقصد
نفس فكره هذي اللمبه لكن
السلك ينشبك بافياش الكهربه مو نفس اللي بالصوره لليو اس بي
انتوا روحوا عند اي كهربائي هوه راح يفهمكم على طول لو قلتوله ابغى لمبه مشبوكه بسلك كهربه فيها فيش .
نجي لتطبيق :
تجيبوا الصندوق تخلوا جهه مقفله و جهه مفتوحه
و تسووا فتحه دائريه من الجهه المقفوله بالمنتصف مقاس اللمبه عشان تدخلوها
بعد كذا تغلفوا الصندوق من جوه بالقصدير طبعا انا نسيت
هذي الخطوه
و تركبوا اللمبه من المكان اللي سويتوه و تثبتوها زين
بالشطرطون او بغرا مسدس لو عندكم عشان ما تتحرك
و بعد كذا تقفلوا الجهه المفتوحه بورق شفاف انا استخدمت
ورق الساندوتش و زبطت معايه تقدروا تحطو قماش ابيض راح تزبط كمان , وكذا تكون جاهزه ..
وبكذا اتمنى يكون
شرحي كافي و وافي و تزبطوها ترى مره سهله و ممتعه
مره مبسوطه بالنتيجه اللي طلعت معايه جداً فخوره بنفسي و اتمنى اتطور بالتصوير
لاني اعتبر نفسي مبتدئه كثير اشياء ناقصتني ولازم اتعلمها
هذا فيديو اللي
اقتبست منه الفكره الجباره
وبكذا انهي كلامي بـ لا إله إلا أنت سبحانك اني كنت من الظالمين .
سنابي : tahanir11
ليست هناك تعليقات:
إرسال تعليق