السلام عليكم حبيباتي
كيفكم ان شاء الله طيبين؟
تدوينه اليوم حتكون عن مقشر الوجه من سانت ايفز بالمشمش
نفس ما عودتكم راح اكتبلكم ايش تقول الماركة عن مقشرهم وحأقول
تجربتي ..
سانت ايفز :
·
مقشر المشمش منظف مكون من مستحضرات طبيعيه 100% .
·
يطهر المسامات بلطف وحماية من الشوائب و النمش .
·
يحسن من شكل المسامات .
·
لا يسبب الحساسيه .
·
خالي من الزيوت .
·
صنع من دون بارابين و الفثالات .
·
تم اختيارة من قبل اطباء الجلد .
تجربتي و رأيي الشخصي بعد
استعماله فترة كافيه لكتب التدوينه
اول شيء و اول كلمه مكتوبه
بالعلبه هي fresh skin
فعلاً يخلي الوجه
نااااعم و طبيعي وموازن الدهون بالوجه و يخلي الوجه طري ..
انا ماكنت ابغى اشتريه كنت
ابغى بأوراق الشاي الاخصر
لكن اخويه راح وجاب لي بديل ما يبغى يرجع و ماجاب لي شي ههههه ياعمري ❤❤
مع
اني اكره الحركه هذي لان اخاف ما يناسبني ..
ماكنت متحمسه اجربه بسبب
قوامه كريييمي كأني احط كريم على وجهي
و الحبيبات قليله من وجهة نظري احب المقشرات
اللي حبيباتها كثيره و خشنه شوي
احس تنظف من قلب عشان كذا تركته فتره ...
و يوم عيد الاضحى استخدمته كانت النتيجه حلوه يعني حرام احكم عليه وانا ما استخدمته
من بعدها
كنت احط منه لما احس وجهي تعبان وناشف و جددا عجبتني النعومه و الطراوه والترطيب
ما
طلعلي حبوب و هذا اهممممم شي عندي ينفع قبل الميك اب ...
وبخصوص كلامهم في تصغير او تحسين شكل المسام
عن نفسي الفتره اللي استخدمته ماكان فيني مسام بشكل واضح فماحسيت اي فرق..
مره خلص الشاور جل عندي و
استخدمته بعد الصابون الافريقي اعطاني نعوووومه بجسمي مره حبيتها
و بحثت اكثر عن
الماركه اكتشفت عندهم كمان مقشر جسم بالمشمش نفس مقشر الوجه فقررت اشتريه واجربه .
تقييمي للمنتج
10|8
ليه خصمت نقطتين لان ما حسيت
يننظظظظف من قلب
صحصح ينظف بس مو التنظيف اللي ابغاه
صرت اغسل وجهي بالصابون بعدين استخدمه
و كمان قوامه كرييمي حسيت ينفع للبشره الجافه و العاديه اكثر
لكن للبشره الدهنيه حسيته ثقيل و كريمي لكن بمجرد ما انغسل رهيب .
صحصح ينظف بس مو التنظيف اللي ابغاه
صرت اغسل وجهي بالصابون بعدين استخدمه
و كمان قوامه كرييمي حسيت ينفع للبشره الجافه و العاديه اكثر
لكن للبشره الدهنيه حسيته ثقيل و كريمي لكن بمجرد ما انغسل رهيب .
ايش افضل مقشر جربتوه مع ذكر
نوع بشرتكم ؟
وبكذا انهي كلامي بـ لا إله إلا انت سبحانك اني كنت من الظالمين .
ليست هناك تعليقات:
إرسال تعليق