شامبو ذيل الحصان | شعر طويل وناعم | سعودي بلوجر

السلام عليكم ورحمة الله وبركاته

كيفكم بنات ان شاء الله كويسين ؟

اليوم حتكلم عن شامبو Mane 'n Tail, And Body Shampoo معروف بـ أسم ذيل الحصان و راح اتكلم بشكل سريع عن نوعين من شامبو برت

راح ابدا من اليسار لليمين

مقدماً نوع شعري جاف

اشتريت الشامبو بعد ما عمل ضجججه كبيره  وشفت رفيوهات اجانب وقطعوه مدح لكن من استخدامي الاول لاحظت انه نشششف شعري جربت معاه بلسم لكن مو البلسم الخاص بالشامبو لاني ما اخذته لكن ما اعطاني نعومه الشعر اللي كنت متوقعتها طبعاً ما اكتفيت من التجربه الاولى جربته اكثر من مره و كل مره احاول اقول لنفسي انه حلو و من هذا الكلام لكن الموضوع ما يترقع ابداً جددداً سيء يخلي الشعر سلكي وناشف و لما تمشطيه بالمشط يتقطع و عملي نفشه بالشعر من وجهة نظري منتج حرام فيه الريال الواحد لكن فيه ميزه حلوه انه ينظف الفروة , ريحته حلوه و كميته كبيييره مره مقارنه بسعره يعتبر رخيص ما افتكر كم كان بزبط لكن ما يتجاوز 30 ريال

تقييمي للمنتج

4|10

الحين راح اكلمكم عن برت بالعسل لشعر العادي

من تجربتي اشوف هذا المنتج سبب في تساقط الشعر

ما اعطاني نعومه زي ما هو مذكور بالعبوة ابداً ما صالح شعري ولا شعر اخواتي

ما حبيناه ابداً ما ينظف الفروة سبب لوجود القشرة بالشعر

ماعندي كلام كثير عن هالمنتج الا انه برضو كانت تجربه سيئة بالنسبه لي و ريحته حلوه و سعره رخيص.

تقييمي للمنتج

2|10

الحين جاء دور شامبو برت بخلاصة الزيوت

حبيت الترطيب و النعومه اللي يعطيني هو

 ريحته حلوه تدوم الريحة بالشعر لوقت طويل

ونفس الشي هذا سبب لوجود القشره بالفروه ماينظف الفروه كويس

مايحتاج بلسم معاه  

سعره رخيص.

تقييمي للمنتج

9|10

اتمنى احصل شامبو نفس اللي ببالي لاني الى الان ما لقيت هههههه

اللي ابحث عنه ينظف الفروه ينعم الشعر ويرطبه يغنيني عن البلسم .

وبكذا انهي كلامي بـ لا إله الا انت سبحانك اني كنت من الظالمين.