فيتامين A فيتامين D و الحديد فيتامينات الجمال ولها اثر كبير في جمالك وصحتك | سعودي بلوجر

السلام عليكم ورحمة الله وبركاته 

اليوم راح اتكلم عن موضوع مختلف بالعناية الداخليه 

طبعاً راح اذكر لكم  بعض من اعراض نقص الفيتامينات 

نقص فيتامين D

1. الاكتئاب
2. هشاشة العظام 
3. تلين العظام 
4. الارهاق 
5. الخمول 
6. تساقط الشعر

نقص فيتامين A

1. عدم القدره على الرؤية ليلاً
2. جفاف البشرة و الشعر 
3. الشعور بالحكه 
4. الخمول 
5. الاكتئاب 
6. فقدان الشهيه 

نقص الحديد 

1. فقر الدم 
2. التعب الشديد 
3. الصداع 
4. الشعور بالبروده المستمره في الاطراف الايدي و الاقدام 
5. تكسر الاظافر 
6. تسارع ضربات القلب 
7. شحوب الوجه

حكيت لكم عن بعض نقص هذي الفيتامينات المهمه في جمال جسمك و صحتك وسعادتك 

العناية بجمالك ما يكمن في العناية الخارجه فقط عنايتك بنفسك تبدأ من الداخل قبل الخارج 

من حيث التغذية السليمة .

معروف عن فيتامين اي انه فيتامين الجمال للبشرة و الشعريساعد على اظهار رونقها و جمالها ونظارتها وحيويتها و الحبوب اللي استخدمها مكملات مفيدة للجمال الاظافر و الشعر و البشره .

و كمان معروف عن فيتامين دال انه مصدر السعادة يبعد عنك الاكتئاب و يعطيك نشاط و حيويه وكمان يطلع لك  بيبي هير و يعيد الحياة للبصيلات الميته من تجربة اختي استمرت عليها الى ان خلصت علبه كامله و وراحت فحصت طلع تحسن نسبة فيتامين دال بجسمها بشي بسسسسيط جدا الا ان طلع لها بيبي هير لكن مع ذلك قال لها الدكتور تستمر لان لسى ماوصلت للمعدل الطبيعي اللي توقف الفيتامين فيه و بعد تجربتها الحلوه بديت اجربه و ليا اسبوعين فقط و بإذن الله راح اقول لكم التغيرات اللي حسيتها بسنابي ,

اما بالنسبه للحديد فهو مهم لصحتك و بنظارة وجهك لانه يسبب شحوب بالوجه و الاخطر من كذا نقصانه يسبب دوخه و هذا خطير فلازم اي وحده تعاني من النقص تاخذ الحبوب عشان صحتها 

بشكل مختصر الفيتامينات الثلاث هذي لها اثر كبير على صحة بشرتك وشعرك وصحة جسمك وشهيتك 

ركزوا عليها تماااام قبل لا تدوروا شي يطول الشعر او يكثره قبل لا تدوروا عن شي يقوي اظافرك قبل لا تدوري عن شي يجدد خلايا بشرتك و يفتحها و قبل لا تدوروا عن شي ينشط جسمكم ترى الفيتامينات هيه اول شي تدوري عنها قبل الكريمات و الخلطات والمنتجات التجاريه .

 اوووول حاجه بنات انتبهوا تستخدموها من راسكم لاااازم استشارة طبيب انا مو طبيبة ولا اخصائية عشان اصرفها لكم 

انا جالسه اقول لكم اهميتها عشان تعرفوا قد ايش الفيتامينات مهمه و لازم تروحوا تنتبهوا على اجسامكم وتهتموا بتغذيتكم قبل لا تهتموا فيها عن طريق الماسكات و الكريمات 

ملاحظه اخيرة كل الفيتامينات لازم تتأكل بعد الاكل مو على معده فاضيه انتبهوووا بالاخص الحديد 

و كل الحبوب اللي ذكرتها ما تضر ولا لها خطوره لكن اعيد و اكرر خذوا استشارة طبيب لان لو فرضاً انتوا مو محتاجينها واخذتوها راح تجيكم زيادة و الزياده لها اعراض مثل النقصان و بدال ما تفيدوا انفسكم جلستوا تضروها .

وبكذا انهي كلامي 

ب لا إله الا انت سبحانك اني كنت من الظالمين 

بالتوفيق للجميع