مرحبا بنات كيفكم ايش عاملين ؟💕💕💕
اليوم راح اتكلم عن هذولا المنتجين
راح اتكلم اول شي عن المنتج اللي باليمين هذا الكوكونت اويل -زيت جوز الهند-
هذا المنتج الحلو فيه انو طبيعي و بدون ريحه جددددا انا اهتم بالروائح لذا حبيت كونه بدون ريحه
لان ريحة زيت جوز الهند مزعجه شوي وهذي ثاني عبوه استخدمها منه حجمين اول عبوه اخذت الكبيره و الحين اخذت الصغيره
هذا الزيت احب استخدمه قبل الشاور بساعه او نص ساعه وما افضل اطول بالزيت بشعري و احب اركزه على الجذور و الاطراف
و اعمل فيه مساج لفروة الرأس💆🏻
فوائد المساج لفروة الرأس : تحريك الدورة الدمويه و نمو الشعر و ظهور البيبي هير و يطول الشعر 💆🏻💆🏻🍉
مو شرط تتقيدوا بالزيت من هذي الماركه ما احس فيه فرق بين الماركات
لكن افضل شي تاخذوا الزيت يكون عضوي بالبروده يصير زي الزبده و بالحراره يذوب
المنتج الثاني : من لوريال باريس سيرم لشعر المصبوغ 🍉
،
احب استخدمه على شعري كله لكن ما اقرب عند الفروه اببدا
عشان مايعطيني مظهر الشعر الدهني 🙃😷
يعطي لمعان و حيويه لشعر بس قطره او قطرتين منه تكفي
قوامه ابداً مو ثقيل جددداً خفيف زي المويا و ريحته عطريه
مكوناته من خلاصه الزهور احب استخدمه وقت ما استشور ما افضل يكون من روتينك اليومي بسبب احتواءة على ماده السيليكون و هذي الماده تعطي مظهر حلو لشعر و اغلب المنتجات التجميليه موجود فيها لكن اذا استخدمتيه بأستمرار على شعرك راح يغلف الشعر بماده مشابهه بالبلاستيك و بكذا ماراح تستفيدين من الخلطات او الزيوت لشعرك و ماراح تروح هذي الماده من شعرك الا اذا قصيتي الجزء اللي كنتي تستخدمين عليه المنتج سواء كان السيروم او الشامبو او البلسم الخ ...
اشتريته لما صبغت شعري جدددا يعطي مظهر صحي لشعر و لون الصبغه يطلع احلا و اجمل ابداً مو حلو اي لون صبغه و شعرك ناشف راح يكون اللون بااااهت مافيه جاذبيه 😥💔 .
ليست هناك تعليقات:
إرسال تعليق