السلام
عليكم
هاي
بنات كيفكم ان شاء الله كويسين ؟
اليوم
راح اتكلم عن ماسك النعناع و الليمون من كوين هيلين اخذته من اي هيرب الحجم الكبير
اتوقع سعره كان ب 15 او شي زي كذا
مره الكميه كبيره و السعر رخيص و الماسك كويس ،
مخصص للبشره المختلطه و الدهنيه لكن من وجهة نظري اشوف ينفع لكل البشرات
الحين راح اتكلم بشكل مفصل عن الماسك ،
اول شي قالوا عنه انه نفس الطين البحر الميت و
يقفل المسام و يقلل من ظهور حب الشباب ،
انا بحكم ان استخدمته وقت الكارثه اللي صارت
بوجهي و مازلت استخدمه اصلا لكن اقدر اقول و بكل ثقه انه ماله علاقه بتقليل الحبوب
او اخفائها نهائي و اشوف من وجهة نظري ان الكلمه هذي تسويقيه لكن يبقى ماسك حلو و
مميز لاني شفت فيه انه يمتص الدهون بشكل متوازن و يعطي شعور البشره المخمليه و
فيها نعومه بنفس الوقت منننعش اول ما تحطينه زي قوام معجون الاسنان و لما يجف على
البشره يختفي الانتعاش تدريجي لكن لما تغسلينه بالمويا يرجع الانتعاش من جديد و
اتوقع بسبب الماسك لما يكون رطب ، مره كويس بعد ما تشيلين المكياج و تنظفين بشرتك
هذي الخطوه مهمه بنسبه ليا يكفيني شعور بالنظافه مع هذا الماسك
واقيم المنتج ب 9/10 .. و السبب بتخفيف ظهور حب الشباب ولكن يبقى منتج جميل ما استغني عنه و راح ارجع اشتري
حابه اقول شي قبل لا انهي كلامي ..
شجعوني بكلامكم بالانستقرام والسناب شات لان مره يسعدني حتى لو كلمه بسيطه منك بتفرحني
وبتدفعني اكمل في التدوين
ربي يسعدكم كلكم ويوفقكم جميعا احبكم ..
وبكذا انهي كلامي ب لا إله الا انت سبحانك اني كنت من الظالمين .
ليست هناك تعليقات:
إرسال تعليق